• lotinchaga
• +
• -
• |

0108. Саломни кенг ёйиш

4069 марта кўрилган

قَالَ رَسُولُ اللهِ : ( لاَ تَدْخُلُوا الْجَنَّةَ حَتَّى تُؤْمِنُوا، وَلاَ تُؤْمِنُوا حَتَّى تَحَابُّوا، أَوَلاَ أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ ؟ أَفْشُوا السَّلاَمَ بَيْنَكُمْ).

1 – Расулуллоҳ соллаллоҳу алайҳи васаллам айтдилар: Мўъмин бўлмагунингизча жаннатга кирмайсизлар. Бир-бирингизни яхши кўрмагунингизча мўъмин бўлмайсизлар. Сизларни бир амалга йўллаб қўймайми? Агар уни қилсангизлар, бир-бирингизни яхши кўрасизлар: ўрталарингизда саломни ёйинглар. (Муслим ва бошқалар ривояти).

(ثَلاَثٌ مَنْ جَمَعَهُنَّ فَقَدْ جَمَعَ الإِيْمَانَ: اَلإِنْصَافُ مِنْ نَفْسِكَ، وَبَذْلُ السَّلاَمِ لِلْعَالَمِ، وَالإِنْفَاقُ مِنَ الإِقْتَارِ).

2 – Уч нарса бор. Ким уларни жамласа, батаҳқиқ, иймонни жамлабди: Ўзингиздан (ўзингизга қарши бўлсада) адолат-инсоф этмоғингиз, олам (муслимларига) салом бермоқлик ва қийинчиликда ҳам инфоқ-эҳсон қилмоқлик. (Бухорий ривояти).

وَعَنْ عَبْدِ اللهِ بْنِ عُمَرَ رَضِيَ اللهُ عَنْهُمَا : أَنَّ رَجُلاً سَأَل النَّبِيَّ أَيُّ الإِسْلاَمِ خَيْرٌ ؟ قَالَ : ( تُطْعِمُ الطَّعَامَ، وَتَقْرَأُ السَّلاَمُ عَلَى مَنْ عَرَفْتَ وَمَنْ لَمْ تَعْرِفْ ) .

3 – Абдуллоҳ ибн Умар розияллоҳу анҳумодан ривоят қилинади: Бир киши Набий алайҳиссаломдан сўради: Исломнинг қайси амали яхшироқ? Расулуллоҳ айтдилар: Таом беришлигинг ва таниган-танимаган (мусулмон) кишингга салом бермоқлигинг. (Бухорий ривояти).