• lotinchaga
• +
• -
• |

073. Таҳийятул масжид

3989 марта кўрилган

عَنْ أَبِي قَتَادَةَ السَّلَمِيِّ رَضِيَ اللّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ إِذَا دَخَلَ أَحَدُكُمْ الْمَسْجِدَ فَلْيَرْكَعْ رَكْعَتَيْنِ قَبْلَ أَنْ يَجْلِسَ (متفق عليه).

Абу Қатода ас-Саламий Розияллоҳу анҳу ривоят қилган муттафақун алайҳ ҳадисда Расулуллоҳ соллаллоҳу алайҳи ва саллам: «Агар биронтангиз масжидга кирса, ўтиришдан аввал икки ракъат намоз ўқисин», дедилар.

عَنْ جَابِرِ بْنِ عَبْدِ اللَّهِ رَضِيَ اللّهُ عَنْهُما قَالَ جَاءَ سُلَيْكٌ الْغَطَفَانِيُّ يَوْمَ الْجُمُعَةِ وَرَسُولُ اللَّهِ صَلَّى اللَّهُ عَلَيْهِ وَسَلَّمَ يَخْطُبُ فَجَلَسَ فَقَالَ لَهُ يَا سُلَيْكُ قُمْ فَارْكَعْ رَكْعَتَيْنِ وَتَجَوَّزْ فِيهِمَا ثُمَّ قَالَ إِذَا جَاءَ أَحَدُكُمْ يَوْمَ الْجُمُعَةِ وَالإِمَامُ يَخْطُبُ فَلْيَرْكَعْ رَكْعَتَيْنِ وَلْيَتَجَوَّزْ فِيهِمَا (متفق عليه).

Муттафақун алайҳ бўлган ҳадисда Жобир ибн Абдуллоҳ розияллоҳу анҳу шундай дейди: Расулуллоҳ соллаллоҳу алайҳи ва саллам жума куни хутба қилиб турган эдилар, Сулайк ал-Ғатафоний келиб ўтирди. Пайғамбар соллаллоҳу алайҳи ва саллам унга: «Эй Сулайк, туринг, икки ракъат енгил намоз ўқиб олинг», дедилар. Сўнгра: «Агар биронтангиз жумъа куни масжидга келганида имом хутба қилиб турган бўлса, енгилгина икки ракъат намоз ўқиб олсин», дедилар.

Шарҳ:

Расулуллоҳ соллаллоҳу алайҳи ва саллам масжидга кирган ҳар бир кишини ўтиришдан аввал икки ракъат таҳийятул масжид ўқишга буюрдилар. Жумъа куни хутбани эшитиш учун ўтираётган кишини ҳам аввал енгил икки ракъат намоз ўқиб олишга буюрдилар.

Бугунги дарсдан олинадиган фойдалар:

1. Масжидга кирган одам ўтиришдан аввал икки ракъат намоз ўқиши суннати муаккададир.
2. Бу амал ҳатто имом жумъа куни хутба қилиб турганда ҳам соқит бўлмайди.