• lotinchaga
• +
• -
• |

Ҳожи биродаримга мактублар. Тўртинчи мактуб

2478 марта кўрилган

Азиз биродар! Шубхасиз, биз мусулмонлар хаммамиз суюкли пайгамбаримиз Мухаммад саллоллоху алайхи ва салламнинг Аллохнинг бандаси ва элчиси эканлигига гувохлик берамиз. Аллох таоло у зотни бутун оламга рахмат килиб, такводор кишиларга йўлбошчи ва хамма халклар устидан хужжат килиб юборди. Бу киши пайгамбарликни бекаму-кўст етказдилар, зиммаларига юкланган омонатни тўлик адо этдилар, умматларига холис насихат килдилар. Бизни туни хам кундуздек ёп-ёруг йўл устига кўйиб кетдиларки, бундан бахтсиз кишиларгина юз ўгиради! Аллох таоло у киши оркали одамларни залолат – гумрохликдан хидоят – тўгри йўлга бошлади, одамларнинг калб кўзларини очди. Парвардигор у кишининг мартабаларини баланд килди, амру-фармонларига каршилик килганларни, йўлларига хилоф иш тутганларни хору-зорликка махкум этди.

У зотга, ахли байтлари ва барча асхобларига, киёматга кадар ул зотнинг йўлларига чакирган, суннатларига эргашган, «чизиб» берган йўлларидан юрган кишиларга яратганннинг салоту саломлари бўлсин.

Аллох таоло биз бандаларга у кишига бўйсунишни, яхши кўриб улуглашни ва хакларини адо этишни фарз килди. Мухтарам биродар, бизнинг пайгамбар саллоллоху алайхи ва саллам олдидаги бурчимиз нималардан иборат? Куйида зиммамиздаги у кишининг анча хукукларидан баъзиларини айтиб ўтаман.

1. кўп салавоту саломлар айтиш.

Аллох таоло айтади:

(إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً) (الأحزاب:56)

«Албатта Аллох хам, унинг фаришталари хам пайгамбарга дуою салавот айтурлар, эй мўминлар, сизлар хам у зотга салавот ва салом айтинглар!» (Ахзоб:56).

Пайгамбар саллоллоху алайхи ва саллам дедилар: «Ким менга бир бор салавот айтса, бунинг эвазига Аллох таоло унга ўнта салавот юборади».^[1]

Кимматли биродарим, энг афзал салавот у зотнинг ўзлари асхобларига ўргатиб кетаган салавотларидир. Расулуллох саллоллоху алайхи ва саллам:

(اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ).

2. У зотни чин дилдан яхши кўриш, хеч кимни у кишича яхши кўрмаслик.

Пайгамбар саллоллоху алайхи ва саллам дедилар: «Биронтангиз мени ўз фарзандидан, отасидан ва хамма одамлардан кўра кўпрок яхши кўрмагунча мўмин бўла олмайди» (Муттафакун алайх).

Пайгамбар саллоллоху алайхи ва салламнинг суннатлари ва буйрукларини хар кандай одамнинг розилигидан устун кўйиш, хамма кайтарикларидан тийилиш, бир сўз билан айтганда, у кишига эргашиш одобларига риоя килиш у кишига бўлган мухаббат аломатларидандир.

3. У зотнинг буйрук ва кайтарикларига бўйсуниш, олиб келган хабарларини тасдиклаш. Аллох таоло айтади:

( وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا) (الحشر:7)

«Пайгамбар сизларга олиб келиб келган нарсани олинглар, у зот кайтарган нарсадан кайтинглар...» (Хашр:7).

Бошка оятда бундай дейди:

(قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ) (آل عمران:3)

«Айтинг (Эй Мухаммад): агар мени севсангиз менга эргашинглар. Шунда Аллох сизларни севади ва гунохларингизни магфират килади. Аллох (гунохларни) магфират килгувчи мехрибондир» (Оли Имрон:31).

Бошка оятда бундай дейди:

(لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيراً) (الأحزاب:21)

«(Эй мўминлар), сизлар учун – Аллох ва охират кунидан умидвор бўлган хамда Аллохни кўп ёд килган кишилар учун Аллохнинг пайгамбарида гўзал намуна бордир» (Ахзоб:21).

4. У зотнинг суннатларига хукм сўраб мурожаат килиш ва чикарган хукмларига эътироз билдирмасдан рози бўлиш фарздир.

Аллох таоло айтади:

(فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لا يَجِدُوا فِي أَنْفُسِهِمْ حَرَجاً مِمَّا قَضَيْتَ وَيُسَلِّمُوا تَسْلِيماً) (النساء:65)

«Йўк, Парвардигорингизга касамки, то улар ўз ўрталарида чиккан келишмовчиликларда сизни хакам килмагунларича ва кейин сиз чикарган хукмдан дилларида хеч кандай танглик топмай, тўла таслим бўлмагунларича – бўйсунмагунларича зинхор мўмин бўла олмайдилар» (Нисо:65).

5. Аллох таолога фикр-хохишимиз, хавою нафсимиз, бидъатлар ёки ота-боболардан «мерос» колган урф-одатлар билан эмас, балки расулуллох саллоллоху алайхи ва саллам олиб келган, Аллох тузган конун бўйича ибодат килмогимиз лозим. Чунки, у киши яратувчи томонидан етказувчидирлар. Биз хаммамиз у киши пайгамбарликни етказиб, омонатни тўлик адо этганларига ва умматларига холис насихат килганларига гувохлик берамиз. Бирон яхшилик колмаганки, кўрсатмаган бўлсалар, бирон ёмонлик йўкки огохлантирмаган бўлсалар – Ота-оналаримиз у кишига фидо бўлсин. Дархакикат, Аллох таоло у киши оркали неъматини тўлик килиб, динини комил килди. Аллох таоло айтади:

( الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الأِسْلامَ دِيناً) (المائدة:3)

«Бугун сизларга динингизни комил килдим, неъматимни бенуксон, тўкис килиб бердим ва сизлар учун (факат) Исломни дин килиб танладим» (Моида:3).