• lotinchaga
• +
• -
• |

0025. Намоздан сўнг салом бергач айтиладиган зикрлар

7363 марта кўрилган

( أَسْتَغْفِرُ اللَّهَ - ثَلاَثاً
- اللَّهُمَّ أَنْتَ السَّلامُ، ومِنْكَ السَّلامُ، تَبَارَكْتَ يَاذَا الجَلالِ وَالإِكْرَامِ).

1 – Аллоҳдан истиғфор сўрайман. (3 марта айтилади). Эй Аллоҳ! Сен Саломдирсан (яъни, Салом Аллоҳнинг исмларидан бири, маъноси Сен барча айбу нуқсондан саломатсан ва Сен бандаларингни ҳалокат ўринларидан сақловчи-саломат этувчи Салом Зотдирсан). Салом Сендандир! (Яъни, саломатлик фақат Сен томонингдан). Эй улуғлик ва икром соҳиби, Сен (айбу нуқсондан) пок ва муқаддасдирсан. (Муслим ривояти).

( لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الْجَدِّ مِنْكَ الجَدُّ ) .

2 – Аллоҳдан ўзга (ҳақ) илоҳ йўқ! У ёлғиз ҳам шериксиз зотдир! Мулк ҳам, ҳамд ҳам Уникидир! У барча нарсага қодир. Эй Аллоҳ, Сен берган нарсани тўсувчи, Сен тўсган нарсани берувчи йўқ. Сенинг ҳузурингда улуғлик-бойлик эгасига улуғлиги-бойлиги фойда беролмас. (Бухорий ва Муслим ривояти).

(لاَ إِلَهَ إِلاَّ اللَّهُ وَحْدَهُ لاَشَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، لاَ حَوْلَ وَلاَ قُوَّةَ إِلاَّ بِاللَّهِ، لاَ إِلَهَ إِلاَّ اللَّهُ، وَلاَ نَعْبُدُ إِلاَّ إِيَّاهُ، لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ، لاَ إِلَهَ إِلاَّ اللَّهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ ).

3 – Аллоҳдан ўзга (ҳақ) илоҳ йўқ, У ёлғиз, шериксиздир. Мулк ҳам, ҳамд ҳам Уникидир. У барча нарсага қодир. Ҳарака ва қувват ёлғиз Аллоҳ (мадади) биландир. Аллоҳдан ўзга (ҳақ) илоҳ йўқ. Биз фақат Унгагина ибодат этамиз. Неъмат ҳам, фазл ҳам, гўзал (ҳамду) сано ҳам Уникидир. Аллоҳдан ўзга (ҳақ) илоҳ йўқ. Гарчи кофирлар ёмон кўрсаларда динни Унинг учун холис қилувчилармиз. (Муслим ривояти).

(سُبْحَانَ اللَّهِ وَالْحَمْدُ لِلَّهِ وَاللَّهُ أَكْبَرُ – ثَلاَثاً وَثَلاَثِيْن
لاَ إِلَهَ إِلاَّ اللَّهُ وَحْدَهُ لاَشَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ

4 – Субҳаналлоҳи, валҳамду лиллаҳи, валлоҳу акбар (33 марта айтади) (Субҳаналлоҳ, алҳамду лиллаҳ, Аллоҳу акбар деб ҳар бирини 33 мартадан айтса ҳам бўлади ИНТ). Аллоҳдан ўзга (ҳақ) илоҳ йўқ. У ёлғиз ҳамда шериксиз зотдир. Мулк ҳам, ҳамд ҳам Уникидир. У барча нарсага қодир.

(Ким агар ҳар намоздан сўнг шуни айтадиган бўлса, хатолари – агар денгиз кўпикларича бўлса ҳам – мағфират қилинади). (Муслим ривояти).

5 – «Ихлос», «Фалақ» ва «Ан-нос» сураларини ҳар намоздан кейин бир мартадан, бомдод ва шом намозидан кейин уч мартадан ўқийди. (Абу Довуд, Насоий ва Термизий ривояти. «Фатҳул-Борий»га қаралсин).

بِسمِ اللهِ الرَّحْمنِ الرَّحِيمِ
} قُلْ هُوَ اللهُ أَحَدٌ * اللهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُن لَّهُ كُفُواً أَحَدٌ { .

(Эй Муҳаммад соллаллоҳу алайҳи ва саллам), айтинг: У – Аллоҳ бирдир (яъни, Унинг ҳеч қандай шериги йўқдир, У якка ёлғиздир). Аллоҳ (барча ҳожатлар билан) кўзланувчидир (яъни, барча ҳожатлар Ундан сўралади, аммо У ҳеч кимга муҳтож эмасдир). У туғмаган ва туғилмагандир (яъни, Аллоҳнинг ўғли-қизи ҳам, ота-онаси ҳам йўқдир). Ва ҳеч ким У зотга тенг эмасдир. (Ихлос сураси).

بِسمِ اللهِ الرَّحْمنِ الرَّحِيمِ
} قُلْ أَعُوذُ بِرَبِّ الْفَلَقِ * مِنْ شَرِّ مَا خَلَقَ * وَمِنْ شَرِّ غَاسِقٍ إِذَا وَقَبَ * وَمِنْ شَرِّ النَّفَّاثَاتِ فِي الْعُقَدِ * وَمِنْ شَرِّ حَاسِدٍ إِذَا حَسَدَ{.

(Эй Муҳаммад соллаллоҳу алайҳи ва саллам), айтинг: Мен тонг Парвардигоридан (менга) Ўзи яратган нарсаларнинг ёмонлигидан; зулматга чўмган кечанинг ёмонлигидан, тугунларга дам солувчи (жодугар)ларнинг ёмонлигидан ва ҳасад қилаётган ҳасадгўйларнинг ёмонлигидан паноҳ беришини сўраб илтижо қиламан. (Фалақ сураси).

بِسمِ اللهِ الرَّحْمنِ الرَّحِيمِ
} قُلْ أَعُوذُ بِرَبِّ النَّاسِ * مَلِكِ النَّاسِ * إِلَهِ النَّاسِ* مِنْ شَرِّ الْوَسْوَاسِ الْخَنَّاسِ* الَّذِي يُوَسْوِسُ فِي صُدُورِ النَّاسِ * مِنَ الْجِنَّةِ وَالنَّاسِ{.

(Эй Муҳаммад соллаллоҳу алайҳи ва саллам), айтинг: Мен барча инсонларнинг Парвардигоридан, барча инсонларнинг Подшоҳидан, барча инсонларнинг Илоҳидан (менга) ўзи жин ва инсонлардан бўлган, инсонларнинг дилларига васваса соладиган, (қачон Аллоҳнинг номи зикр қилинганида) чекиниб яшириниб оладиган васвасачи шайтоннинг ёмонлигидан паноҳ беришини сўраб илтижо қилурман. (Ан-нос сураси).

ويقْرَأ آيةَ الكُرسي عقِبَ كلِّ صلاةٍ.

Ҳар намоздан сўнг оятал-курсийни ўқийди. Оятал-курсийни ҳар намоздан кейин ўқийдиган кишини жаннатга киришдан фақат ўлимгина тўсиб туради. (Насоий ривояти. Албоний саҳиҳ деган).

} اللهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَهُ مَا فِي السَّمَاوَاتِ وَمَا فِي الأَرْضِ مَنْ ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِنْ عِلْمِهِ إِلاَّ بِمَا شَاءَ وَسِعَ كُرْسِيُّهُ السَّمَاوَاتِ وَالأَرْضَ وَلاَ يَئُودُهُ حِفْظُهُمَا وَهُوَ الْعَلِيُّ الْعَظِيمُ{.

6 – Аллоҳдан ўзга ҳеч қандай (барҳақ) илоҳ йўқ. Фақат Унинг ўзи барҳақдир. У тирик ва абадий турувчидир. Уни на мудроқ, на уйқу олмайди. Самовот ва ердаги бор нарсалар Уникидир. Унинг ҳузурида ҳеч ким (бировни) Унинг изнисиз шафоат қила олмайди. У уларнинг (барча махлуқларнинг) олдиларидаги ва орқаларидаги бор нарсани (яъни дунё ва охиратдаги ҳолларини) билади. Ва улар У зотнинг илмидан фақат Ўзи истаган нарсаларнигина биладилар. Унинг курсиси осмонлару ердан кенгдир. Ва Уни осмонлар ва ерни ҳифзу ҳимоятда сақлаб туриш қийнамайди. У энг юксак ва буюкдир. (Бақара: 255).

( لاَ إِلَهَ إِلاَّ اللَّهُ وَحْدَهُ لاَشَرِيكَ لَهُ، لَهُ الْمُلْكُ، وَلَهُ الْحَمْدُ، يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ ) عَشْرَ مَرَّاتٍ بَعْدَ صَلاَةِ الْمَغْرِبِ وَالصُّبْحِ.

7 – «Аллоҳдан ўзга (ҳақ) илоҳ йўқ. У ёлғиз, шериксиз зотдир. Мулк ҳам, ҳамд ҳам Уникидир. (У) ҳаёт беради ва (У) ўлдиради. У ҳар бир нарсага қодир». Шом ва бомдод намозларидан сўнг 10 марта айтилади. (Термизий ва Аҳмад ривояти).

( اللَّهُمَّ إِنِّي أَسْأَلُكَ عِلْماً نَافِعاً، وَرِزْقاً طَيِّباً، وَعَمَلاً مُتَقَبَّلاً ) بَعْدَ السَّلاَمِ مِنْ صَلاَةِ الْفَجْرِ.

8 – «Парардигоро! Мен Сендан фойдали илм, ҳалол-тоййиб ризқ ва мақбул амал сўрайман». Бомдод намозидан салом берилгандан сўнг айтилади. (Ибн Можа ва бошқалар ривояти).