Сешанба 21 Ноябрь 2017 | 2 Рабиул-аввал 1439 Ҳижрий-қамарий

асосий қисм

  • lotinchaga
  • +
  • -
  • |

109. Бомдоднинг суннатига тааллуқли ҳукмлар

1718 марта кўрилган

عَنْ عَائِشَةَ رَضِيَ اللَّهُ عَنْهَا قَالَتْ كَانَ النَّبِيُّ صَلَّى اللَّهُ عَلَيْهِ وَسَلَّمَ يُخَفِّفُ الرَّكْعَتَيْنِ اللَّتَيْنِ قَبْلَ صَلاةِ الصُّبْحِ حَتَّى إِنِّي لاقُولُ هَل قَرَأَ بِأُمِّ الكِتَابِ (رواه البخاري).

Имом Бухорий ривоят қилган ҳадисда Оиша розияллоҳу анҳо шундай дейди: Расулуллоҳ соллаллоҳу алайҳи ва саллам бомдод намозидан олдинги икки ракъатни енгил ўқирдилар, ҳатто мен: «Уммул-китоб» (Фотиҳа)ни ўқидилармикин, деб ўйланиб қолардим.

عَنْ عَائِشَةَ رَضِيَ اللّهُ عَنْهَا قَالَتْ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُصَلِّي رَكْعَتَيْ الفَجْرِ إِذَا سَمِعَ الأَذَانَ وَيُخَفِّفُهُمَا (رواه مسلم).

Имом Муслим ривоят қилган ҳадисда Оиша розияллоҳу анҳо шундай дейди: Расулуллоҳ соллаллоҳу алайҳи ва саллам азонни эшитсалар, бомдоднинг икки ракъат суннатини енгил қилиб ўқир эдилар.

عَنْ أَبِي هُرَيْرَةَ رَضِيَ اللّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَرَأَ فِي رَكْعَتَيْ الفَجْرِ «قُل يَا أَيُّهَا الكَافِرُونَ» و«َقُل هُوَ اللَّهُ أَحَد»ٌ (رواه مسلم).

Имом Муслим ривоят қилган ҳадисда Абу Ҳурайра розияллоҳу анҳу шундай дейди: Расулуллоҳ соллаллоҳу алайҳи ва саллам бомдоднинг икки ракъат суннатида “Ка’фиру’н” ва “Ихлос” сураларини ўқидилар.

عن ابْنِ عَبَّاسٍ رَضِيَ اللّهُ عَنْهُما: أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَقْرَأُ فِي رَكْعَتَيْ الفَجْرِ فِي الأُولَى مِنْهُمَا {قُولُوا آمَنَّا بِاللَّهِ وَمَا أُنْزِلَ إِلَيْنَا} الآيَةَ الَّتِي فِي البَقَرَةِ وَفِي الآخِرَةِ مِنْهُمَا {آمَنَّا بِاللَّهِ وَاشْهَدْ بِأَنَّا مُسْلِمُونَ} (رواه مسلم).

Имом Муслим ривоят қилган ҳадисда Ибн Аббос розияллоҳу анҳумо шундай дейди: Расулуллоҳ соллаллоҳу алайҳи ва саллам бомдод суннатининг биринчи ракъатида Бақара сурасининг 136- ояти, иккинчи ракъатида эса (Моида сурасининг 111- ояти) ни ўқир эдилар.

Шарҳ:

Бомдод намозининг суннатини енгил ўқиш Расулуллоҳ соллаллоҳу алайҳи ва салламнинг суннатларидан эди, лекин енгил ўқиш деганда рукуъ-сужудларини худди қарға гўнг чўқигандай қилиб тез ўқиш тушунилмайди, балки намознинг фарз ва вожибларини тўлиқ бажарганлари ҳолда, бошқа намозларга ўхшаш қироатни чўзмаганликлари тушунилади.

Бугунги дарсдан олинадиган фойдалар:
  1. Бомдоднинг икки ракъат суннатини енгил ўқиш суннат.
  2. Биринчи ракъатда “Фотиҳа”дан сўнг “Кафирун” сурасини, иккинчи ракъатда “Ихлос” сурасини ёки биринчи ракъатда “Бақара” сураси 136-оятини, иккинчи ракъатда эса “Моида” сураси 111-оятини ўқиш суннат.