Ислом Нури
Китоблар
|
Масжид ва хонадонларда ўқиладиган кундалик дарслар |
| 293 - дарс |
| Ҳайвонларни тириклай нишон қилишдан қайтариш |
|
|
|
Ислом Нури
Китоблар
Масжид ва хонадонларда ўқиладиган кундалик дарслар
293 - дарс Ҳайвонларни тириклай нишон қилишдан қайтариш
عن أَنَسِ بْنِ مَالِكٍ رَضِيَ اللَّهُ عَنْهُ قَالَ نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ تُصْبَرَ الْبَهَائِمُ (رواه مسلم).
Анас ибн Молик розияллоҳу анҳудан ривоят қилинади: «Расулуллоҳ соллаллоҳу алайҳи ва саллам жониворларни тириклай нишон қилишдан қайтарганлар» (Имом Муслим ривояти).
«Жониворларни нишон қилиш – уларни боғлаб қўйиб, камон ёки ўқ отиб ўлдиришдир» (Шарҳи Нававий).
عَنْ سَعِيدِ بْنِ جُبَيْرٍ قَالَ مَرَّ ابْنُ عُمَرَ رَضِيَ اللَّهُ عَنْهُما بِنَفَرٍ قَدْ نَصَبُوا دَجَاجَةً يَتَرَامَوْنَهَا فَلَمَّا رَأَوْا ابْنَ عُمَرَ تَفَرَّقُوا عَنْهَا فَقَالَ ابْنُ عُمَرَ مَنْ فَعَلَ هَذَا إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَعَنَ مَنْ فَعَلَ هَذَا (رواه مسلم).
وفي رواية: إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَعَنَ مَنْ اتَّخَذَ شَيْئًا فِيهِ الرُّوحُ غَرَضًا.
Саид ибн Жубайр раҳимаҳуллоҳ айтади: Ибн Умар розияллоҳу анҳумо бир товуқни нишон қилиб, унга ўқ отаётган кишилар ёнидан ўтиб қолдилар. Улар Ибн Умарни кўриб, тарқалиб кетишди. Шунда Ибн Умар: «Буни ким қилди?! Расулуллоҳ соллаллоҳу алайҳи ва саллам бундай қилган кишини лаънатлаганлар», дедилар (Имом Муслим ривояти).
Бир ривоятда: «Расулуллоҳ соллаллоҳу алайҳи ва саллам жонли нарсани нишон қилганни лаънатлаганлар».
Шарҳ:
Ислом дини – меҳр-шафқат дини, ҳар бир нарсага, ҳатто ҳайвонларга ҳам яхшилик қилиш дини. Шунинг учун Расулуллоҳ соллаллоҳу алайҳи ва саллам жонли нарсани нишон қилиб, ўқ отишдан қаттиқ қайтарганлар ва бундай қилган кишини лаънатлаганлар. Чунки бунда бечора жониворга бекордан-бекор азоб бериш ҳосил бўлади.
Бугунги дарсдан олинадиган фойдалар:
1- Ҳайвонларни боғлаб ё қамаб қўйиб, ўққа нишон қилиш ҳаром;
2- Расулуллоҳ соллаллоҳу алайҳи ва саллам бундай қилган кишини лаънатлаганлар ва бу гуноҳи кабиралардан;
