асосий қисм
«Хусуматчи» маъноси ҳақида уламолар сўзлари
3248 марта кўрилган
Муоз ибн Жабал разияллоҳу анҳу Расулуллоҳ соллаллоҳу алайҳи ва
салламдан ушбу ҳадисни ривоят қилди: «Аллоҳ таоло шаъбон ойи
ярмининг кечасида махлуқотларига боқади ва мушрик ҳамда
хусуматчидан бошқа барчани мағфират қилади» (Табароний «Муъжамул
кабир» 215 ва Ибн Ҳиббон ривоятлари. Саҳиҳ ҳадис).
Исфаҳоний раҳимаҳуллоҳ дедилар: Умайр ибн Ҳониъдан ривоят
қилинади, деди: Мен Ибн Савбондан «Хусуматчи» ҳақида сўрадим. У
деди: "У Пайғамбари соллаллоҳу алайҳи ва салламнинг суннатларини
тарк қилувчи, Ул зотнинг умматларига таъна тошини отувчи ва
уларнинг қонини тўкувчи кимсадир." (Тарғиб ва тарҳиб 2/397)
Табароний раҳимаҳуллоҳ деди: Мен Абдуллоҳ ибн Аҳмад ибн Ҳанбалдан
эшитдим, у деди: Мен дадамдан Набий соллаллоҳу алайҳи ва
салламнинг қуйидаги ҳадисларининг маъноси ҳақида шундай
деяётганларини эшитдим: «Аллоҳ таоло шаъбон ойи ярмининг кечасида
бандаларига боқади ва мушрик ҳамда хусуматчидан бошқа барча Ер
аҳлини мағфират қилади.» «Хусуматчи»: Ислом аҳлига хусумат ва
адоват қилувчи БИДЪАТ АҲЛЛАРИдир, дедилар. (Дуо 1 жилд 195- бет)
Ибнул Асир дедилар: «Хусуматчи» адоват қилувчи, хусумат адоват
дегани... Авзоий деди: Бу ерда хусуматчи дейиш билан Уммат
жамоасидан ажраган бидъатчини мақсад қилдилар. (Ниҳоя фи
ғарибил асар 2/449)
Анбаса ибн Саид Кулоийдан ривоят қилинади, деди: Ким бир бидъатни
пайдо қилса, албатта унинг қалбида мусулмонларга қарши
ғилли-ғашлик пайдо бўлади ва ундан омонатдорлик тортиб олинади.
(Тарихи Димашқ Ибн Асокир 47/13)
Абу Закария ал-Маданий таржимаси
|
