Жума 24 Ноябрь 2017 | 5 Рабиул-аввал 1439 Ҳижрий-қамарий

асосий қисм

  • lotinchaga
  • +
  • -
  • |

215. Кийимни тўпиқдан пастга туширишнинг ҳаромлиги

1631 марта кўрилган

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ: «مَا أَسْفَلَ مِنْ الْكَعْبَيْنِ مِنْ الإِزَارِ فَفِي النَّارِ» (رواه البخاري)

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам айтдилар: «Изор (белдан пастга кийиладиган кийим лўнги)нинг тўпиқдан пасти дўзахдадир» (Имом Бухорий ривояти).

عَنْ ابْنِ عُمَرَ رَضِيَ اللَّهُ عَنْهُما قَالَ مَرَرْتُ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ وَفِي إِزَارِي اسْتِرْخَاءٌ فَقَالَ: «يَا عَبْدَ اللَّهِ ارْفَعْ إِزَارَكَ» فَرَفَعْتُهُ ثُمَّ قَالَ: «زِدْ» فَزِدْتُ فَمَا زِلْتُ أَتَحَرَّاهَا بَعْدُ فَقَالَ بَعْضُ الْقَوْمِ إِلَى أَيْنَ فَقَالَ أَنْصَافِ السَّاقَيْنِ (رواه مسلم).

Ибн Умар розияллоҳу анҳумодан ривоят қилинади: «Расулуллоҳ соллаллоҳу алайҳи ва салламнинг ёнларидан ўтдим, изорим пастга осилиб турган эди. «Эй Абдуллоҳ, изорингни кўтар», дедилар. Кўтарган эдим: «Яна кўтар», дедилар. Яна кўтардим. Шундан сўнг (изоримни кўтариб юришга) эътибор қиламан». Бир киши: «Қаергача?» деб сўради. «Болдирларнинг ярмигача», деб жавоб бердилар (Имом Муслим ривояти).

Шарҳ:

Кийимни тўпиқдан пастга осилтириб юриш бу ҳақда қаттиқ огоҳлантиришлар келган бўлишига қарамай, кўпчилик бепарво қарайдиган мункар ишлардан, мусулмон киши ундан эҳтиёт бўлиши ва узоқлашиши лозим бўлган гуноҳи кабиралардан саналади. Мўмин кишининг либоси тўпиқнинг юқорисидан тортиб болдирнинг ярмигача бўлиши суннатдир. Бу ҳукм намозда ҳам ундан ташқарида ҳам бир хил.

Бугунги дарсдан олинадиган фойдалар:
  1. Изорни тўпиқдан пастга тушириш ҳаром;
  2. Кийимини тўпиқдан пастга осилтирган кишининг жазоси – оёғининг тўпиқдан пастки қисми ўтда бўлишидир;
  3. Эркаклар кийимидаги суннат – болдирнинг ярмигача бўлишидир, тўпиқнинг тепасигача етса зарари йўқ;
  4. Кўпчилик гуноҳи кабиралардан саналган ушбу ишга бепарво қараб хато қиладилар.