• lotinchaga
• +
• -
• |

Чин мусулмон

3114 марта кўрилган

Бисмиллахир рохманир рохийм

Бизларни Исломга хидоят килган Аллохга хамду санолар, Исломни гўзал суратда татбик килган ва иймонни амалий хаётда мукаммал суратда рўёбга чикарган пайгамбаримизга салавоту саломлар бўлсин.

Хозирги замонда Ислом ахлидан хисобланган бўлсалар-да, Исломнинг буйрукларига итоат килмаган, Ислом таълимотларига риоя этмаган, Ислом халол килган нарсаларни харом, харом килган нарсаларни халол деб хисоблаган ва Ислом чизган чегаралар доирасида юрмаган кимсалар, «мусулмон» номи билан исмландилар. Балки, ўз ахлига яхудий ва масихийлардан кўра хатарлирок бўлган кимсалар, «мусулмон» номи билан атала бошладилар. Зеро, Исломни даъво килган хар бир киши хам, мусулмон бўлавермайди. «Мусулмон» деб аталган киши эса, килаётган амаллари унинг мусулмонлигини очик тасдикламагунича, содик мусулмон бўла олмайди. Ислом - факатгина умид, ёки иддао, ёки тил билан талаффуз килинган курук сўзгина эмас. Аллох таъоло деди: «Одамлар орасида шундай кимсалар хам борки, ўзлари мўмин бўлмаганлари холда «Аллохга ва охират кунига иймон келтирдик», дейдилар. Улар Аллохни ва иймонли кишиларни алдамокчи бўладилар ва ўзлари сезмаганлари холда факат ўзларинигина алдайдилар» (Бакара: 8, 9).

Бизларнинг кўпимиз Ислом ва иймонни даъво киламиз. Бирок, агар бу даъвога амал хамоханг бўлмаган бўлса, даъвомиз пуч даъводан бошка нарса эмасдир.

Биз бугун канча-канча мусулмонларнинг «Ла илаха иллаллох» калимасини такрор-такрор айтаётганларини эшитиб, кўрмокдамиз. Келинг, уларнинг нафс амморалари, оиласи, хонадони ва уни камраб олган гунох ишлар ва бузуклик хамда бузукликка олиб борадиган воситларга бир каранг! Келинг, унинг сўзлари, амаллари, орзулари ва фикрларига каранг! Кўпинча, унинг бу нарсалари ичидан «Ла илаха иллаллох» га зид бўлган ишларни топасиз. Лекин, бу одамлар «Ла илаха иллаллох» калимасини тил билан талаффуз килинадиган курук сўз, деб ўйлайдилар. Хаттоки, бу сўз маъно-мохиятдан холи бўлган совук сўзга айланди. Шунинг учун хам, уларнинг иймонларини совук, Роббилари билан бўлган муомалаларини тургун эканини кўрсангиз, хайратга тушманг!

Ислом - хашаматли бинога ўхшаб, унинг хам пойдевори ва устунлари бордир. Ислом устунлари асосланадиган пойдеворлар, катталару кичиклар билгани каби, бештадир. Хуллас, Исломнинг хакикати Аллох таъолони улухият (маъбудлик), рубубият (гамхўрлик) ва исму сифатларида Аллох учун лойик бўлган барча маъноларида бир деб билиш, демакдир. Бундан ташкари, Ислом – хаётимизнинг барча жабхаларида Аллох таъолога таслим бўлиб, бўйинсунишдир. Шунингдек, Ислом – Аллох учун бўйинсуниш, Аллохга таваккул килиш, Аллохнинг казо ва кадарига рози бўлиш, Аллохга фаровонлик ва кийинчиликларда илтижо килишдир.

Чин мусулмонни намозларни жамоат билан шартлари, арконлари, вожиблари ва суннатлари билан хушуъ-хокисорлик, хузуъ-итоаткорлик, малолсиз, хаёлини жамлаб, танбалликсиз адо этаётганини кўрасиз. Сиз уни бойлигининг закотини самимийлик ва чин юракдан бераётгани, рамазон ойида ихтиёрий ва рагбат-розилик билан тиришиб рўза тутаётгани, халол моли ва итоат рухи билан хаж килаётганини кўрасиз. У доимо Аллох таъоло ва расулуллох соллаллоху алайхи ва салламга каттаю-кичик нарсаларда розилик билан хеч иккиланмай бўйинсунади.

Сиз чин мусулмонни суннат амалларига, фарз амалларга харис бўлганидек, харис бўлганини кўрасиз. Чунки суннат амалларини килишда сустлик килиш, фарз амалларини килишда танбалликка олиб боради. Чин мусулмон, катта гунохлардан кочганидек, кичик гунохлардан хам кочади. Чунки харом ишлардаги эътиборсизлик ва кичик гунохларни килиш, катта гунохларни килишга олиб боради.

Чин мусулмон, масалан, «Сокол кўйиш суннат бўлиб, уни олиб юрилса хам бўлаверади. Харомга караш кичик гунох бўлиб, гохида карб турилса бўлаверади. Шимни оёк ошикларидан пастга тушуриб кийиш зарарсиз, оддий ишдир. Фалон иш мустахаб, уни тарк килишнинг хечкиси йўкдир»- деб айтмайди. Бу сўзларни айтган одам, эгнидаги Ислом кийимларини аста-аста ечаётган ва Ислом устунларини кемира бошлаган бўлади. Бу сўзларни айтган одам, ислом чўккисидан бир даража пастга, яна пастга ва охири боткокликка тушган бўлади. Бу сўзларни айтган одам, Исломнинг тўгри йўлидан бир даража, бир даража бурилиб охир-окибат Исломдан узоклашган бўлади.

Бугунги кундаги мусулмонлар бошига келган мусибатлар ва кўраётганимиз зоелик, уларнинг Роббиларидан узоклашганлари, диний ишларида сустлик килганлари сабаблидир. Уларнинг кўплари баъзи диний ибодатларни адо этиш, намозларни ўкиш ва баъзи диний вазифаларни бажариш билан: «Биз булар билан катта яхшиликларни килдик ва Исломни ўзимизда жамлаб, иймонни рўёбга чикардик. Энди бизни жаннат кутиб турибди»- деб тушунмокдалар. Бирок, бу бечоралар эртаю-кеч килишган гийбат, бухтон, харом нарсаларга караш, харом нарсаларни ичиш, кийимларни оёк ошикларидан паст кийиш ва бошка, банда эътибор бермай: «Зарар килмайди»- деб тушунаётган минглаб гунохларни килмокдалар. Холбуки, расулуллох соллаллоху алайхи ва саллам: «Гунохларни кичик санашдан узок бўлинглар! Чунки улар жамланиб колса, бандани халок килади»- дедилар (Имом Ахмад ривояти. Албоний бу хадисни «сахих», деди).

Хуллас, чин мусулмон бир буйрукка бўйинсуниб, бошкасига бўйинсунмай кўймайди. Чунки у, Исломнинг парчаланмайдиган яхлит эканини, Аллохнинг баъзи хукмларига итоат килиб, бошкаларига итоат килмаслик Аллохнинг амрларини бузиш ва уларни ўйинчок килиб олиш эканини жуда хам яхши билади. Чунки чин мусулмон бу ишларни Аллох таъоло севмаслиги, балки, бундай ишларни килган одамларни мазаммат килиб, уларга каттик азобларни ваъда килган эканини хам яхши билади. Аллох таъоло деди: «... Ё китобнинг бир кисмига ишониб, бир кисмини инкор киласизми? Ораларингдан ким бу ишни килса, унинг жазоси бу дунёда расво бўлиш, киёмат кунида эса каттик азобга дучор килинадилар. Аллох сизлар килаётган ишлардан гофил эмасдир» (Бакара: 85).

Чин мусулмон хаётининг хар бир сонияси ибодатдир. Унинг тасаввуридаги дин факат тан ибодатларини адо этишгина эмасдир-ки, кейин одамлар билан бўлган хаётини дин ва ибодатсиз ўтказса: харом нарсаларни еб-ичса, кўриб-эшитса, харом нарсаларга амал килиб, сўзласа!! Зеро, бу ишларни килган одам, Ислом хакикатини хануз тушунмаган бўлади.

Эй, одамлар!

Аллохдан Исломингиз хакки кўркингиз ва динингизнинг гўзаллиги, жамоли ва жозибасини ёмон иш ва сўзларингиз билан кетказмангиз! Аллохдан Ислом хакида кўркингиз ва унинг согломлигига калбингизнинг тўгрилиги, софлиги хамда гўзал амалларингиз ва сўзларингиз билан хужжат келтирингиз!

Аллох таъоло хаммамизни ўзи севадиган ва рози бўлган амалларга муваффак килсин.

Аллох билувчирок.

Аллох таъоло пайгамбаримиз, Унинг оиласи ва барча сахобаларига салавот ва саломлар йўлласин.

Холис биродарингиз Абу Мухаммад ал Бухорий

* * *

28/12/2002